वावडदा/जळगांव-(प्रतिनीधी)- शहर वाहतूक शाखेतील सहाय्यक फौजदार राजू मोरे यांचा खान्देश कुणबी मराठा वधुवर परिचय संस्थेचे संस्थापक अध्यक्ष, अखिल भारतीय ग्रामीण पत्रकार संघाचे जळगाव तालुकाध्यक्ष तथा गौरी उद्योग समूह वावडदा चे चेअरमन बापूसाहेब सुमित पाटील यांनी जळगाव येथे सत्कार केला. २७ ऑक्टोबर रोजी जळगाव येथील बजरंग बोगद्याजवळील रेल्वे रुळावर एक महिला आत्महत्येचा प्रयत्न करीत असताना वाहतूक शाखेचे सहाय्यक फौजदार राजू मोरे यांनी समयसूचकता व सतर्कता दाखवत त्या महिलेचे प्राण वाचवले होते या सत्कृत्याबद्दल मराठाभूषण तथा ज्येष्ठ पत्रकार बापूसाहेब सुमित पाटील यांनी स्वतः जळगावात येऊन सहाय्यक फौजदार राजू मोरे यांची भेट घेत जाहीर सत्कार केला व भविष्यातील उत्तम वाटचालीसाठी शुभेच्छा दिल्या.यावेळी मनोगत व्यक्त करताना सुमित पाटील यांनी सांगितले की आजही समाजात राजू मोरे यांच्या सारखे जागृत व्यक्ती असल्यामुळे माणुसकी टिकून आहे तसेच वाईट प्रवृत्तींना आळा बसत आहे अशा व्यक्तींचा गौरी ग्रुप समूह,अखिल भारतीय ग्रामीण पत्रकार संघ नेहमीच आदर करत आला आहे. यावेळी वाहतूक शाखेचे पोलीस, नागरिक देखील उपस्थित होते.
