भडगाव(प्रतिनिधी)- सौ. रजनीताई नानासाहेब देशमुख कला, वाणिज्य व विज्ञान महाविद्यालयात संविधान दिन साजरा करण्यात आला. विद्यार्थी विकास विभाग, राष्ट्रीय सेवा योजना व जयंती-पुण्यतिथी समितीच्या वतीने संयुक्तपणे हा कार्यक्रम घेण्यात आला.
सुरुवातीला भारतीय संविधानाच्या उद्देशिकेचे सामूहिक वाचन करण्यात आले. भारतीय संविधानाचे शिल्पकार डॉ. बाबासाहेब आंबेडकर यांच्या प्रतिमेला मान्यवरांच्या हस्ते पुष्पहार अर्पण करण्यात आला. प्राचार्य डॉ.एन.एन. गायकवाड यांनी यावेळी मनोगत व्यक्त केले. कार्यक्रमाच्या अध्यक्षस्थानी उपप्राचार्य प्रा. एस. आर. पाटील होते. कार्यक्रमाचे प्रास्ताविक जयंती पुण्यतिथी समितीचे अध्यक्ष डॉ. एन व्ही चिमणकर यांनी केले.
सूत्रसंचालन राष्ट्रीय सेवा योजनेचे कार्यक्रम अधिकारी प्रा.जी. एस. अहिरराव यांनी तर राष्ट्रीय सेवा योजनेच्या महिला कार्यक्रम अधिकारी प्रा. आर. एम. गजभिये यांनी उपस्थितांचे आभार मानले. कार्यक्रमाला महाविद्यालयातील विद्यार्थी, प्राध्यापक व प्राध्यापकेतर कर्मचारी मोठ्या संख्येने उपस्थित होते.
