अनेक नामवंत कंपन्यांचा राहणार सहभाग
जळगांव(प्रतिनीधी)- प्लास्टिक उद्योग क्षेत्रातील नवनवीन संशोधन, उत्पादने, बाजारपेठेतील स्थिती यांची एकत्रीत पणे सर्वांना माहीत मिळावी या क्षेत्रातील अडी-अडचणींवर तज्ञ उद्योजकांशी थेट संवाद साधता यावा यासाठी मार्गदर्शक ठरणारे “प्लास्टिव्हिजन २०२०” १६ ते २० जानेवारी २०२० दरम्यान आँल इंडिया प्लास्टिक मँन्युफ्रँक्चरींग असोसिएशन च्या वतीने मुंबई येथे बाँम्बे एक्झीबीशन सेंटर मध्ये आयोजित करण्यात येणार आहे.हे ११ वे भव्य प्लास्टिक प्रदर्शन असून याची गणना जगातील पाच मोठ्या अशाच प्रकारच्या प्रदर्शनात करण्यात येते. ज्यात ३ महिने आधीच सर्व स्टाँल बुक झालेले असतात. या उद्योग क्षेत्रातील वेगवेगळ्या विभागातून १५०० हून अधिक प्रदर्शकांनी आपल्या जागेचे आरक्षण आधीच केले आहे. सुमारे १लाख चौ मी क्षेत्रात भरणारे हे प्रदर्शन चर्चेचा विषय ठरला आहे.
शासन मान्यतेची मोहोर ‘यूएफआय’ या आंतरराष्ट्रीय प्रदर्शनाच्या सर्वाच्च समितीसह भारत सरकारनेही प्लास्टिव्हिजन इंडिया २०२० ला मान्यता दिली आहे. तसेच एनएसआयसी व एमएसएमई विभागातर्फे लघू व मध्यम नवउद्योजकांना आर्थिक अनुदानही देण्यात येणार आहे.
२५ देशांचा सहभाग या प्रदर्शनात ७ भव्य मंडपातून अनुक्रमे कृषी, सौर ऊर्जा, आँटोमेशन, डाय व मोल्ड, वेस्ट मॅनेजमेंट आणि थ्री डी प्रिंटिंग या क्षेत्रातील अनुभवी उद्योजक त्यांचे उत्पादन तसेच सेवा यासंदर्भात मार्गदर्शन तसेच सादरीकरण करतील. त्याचप्रमाणे या क्षेत्रात उल्लेखनीय कामगिरी करणार्यांना मान्यवरांच्या हस्ते सन्मानित करण्यात येणार आहे.
आकर्षण
१)प्लास्टिक उद्योग क्षेत्रातील ३५हून अधिक विभागातील १५०० प्रदर्शकांचा सहभाग २)२५ हून अधिक देशातील उद्योजक होणार सहभागी ३)जागतिक स्तरावरील ५ विशाल प्लास्टिक प्रदर्शनांपैकी एक
