सच्ची निस्वार्थ शक्ती सेवा ग्रुप तर्फे गरजूंना जीवनावश्यक साहित्य वाटप

कोरोना संकट काळात मदतीचा हात देणारा उपक्रम

जळगाव(प्रतिनिधी)- येथील सच्ची निस्वार्थ शक्ती सेवा ग्रुप तर्फे कोरोना संकट काळात मदतीचा हात म्हणून गरजूंना जीवनावश्यक साहित्याचे वितरण करण्यात आले. एम.आय.डी.सी. भागातील मजूर, वृद्ध स्त्रिया, गरजू महिला अशा सुमारे 35 कुटुंबाना गव्हाचे पीठ, तांदूळ, डाळ, तेल, साबण, साखर, बिस्किट या जीवनावश्यक वस्तूंचे वाटप करण्यात आले. याप्रसंगी निशा विजय पवार, सुनीता गोपाल अग्रवाल यांची उपस्थिती होती. या उपक्रमासाठी त्रिवेणी माळी, हर्षल मावळे, रामकिशन वर्मा, विजय पाटील, मनोज पाटील, शकील अहमद, विजय पवार, पिंकी तोष्णिवाल, नैना कोलते यांनी सहकार्य केले.निस्वार्थ शक्ती सेवा हा सामाजिक ग्रुप असून यापूर्वीही अनेक समाजोपयोगी उपक्रम या ग्रुप मार्फत राबविण्यात आले आहेत.