<
जळगांव ग्रामीण(प्रतीनिधी)-जळके येथील दिनांक ४/८/२०१९ पासून बि.एस.एन.एल एक्सचेंजचे २५००० ते ३०००० वीजबिल थकीत असल्यामुळे वीजपुरवठा खंडित करण्यात आला आहे. त्यामुळे स्टेट बँक जळके आणि जेडीसीसी बँक वावडदा येथील इंटरनेट सेवा बंद आहे. गावातील नागरिकांची आणि इतर बि.एस.एन.एल ग्राहकांची गैरसोय होत आहे. यामुळे स्थानिक नागरिकांमध्ये संताप व्यक्त होताना दिसून येत आहे. तरी बी.एस.एन.एल एक्सचेंज यांनी त्वरित थकित वीजबिल भरुन आपली सेवा पूर्ववत करुन ग्राहकांची गैरसोय थांबवावी, अशी मागणी स्थानिक नागरिकांनी केली आहे.
