मुलुंड : शेखर चंद्रकांत भोसले
राज्यातील रक्तपेढीमध्ये निर्माण झालेल्या रक्त तुटवड्यामुळे इतर आजारांनी आजारी असलेल्या रुग्णांना रक्ताची कमतरता भासू नये यासाठी राष्ट्रवादी कॉंग्रेसच्या २१ व्या वर्धापनदिनाचे निमित्त साधून मुलुंड तालुका राष्ट्रवादी कॉंग्रेसच्या वतीने मराठा मंडळ मुलुंड आणि फोर्टिस रक्तपेढी यांच्या सहकार्याने मराठा मंडळ सभागृह, मुलुंड पूर्व येथे आज रविवार दि १४ मे रोजी रक्तदान शिबिराचे आयोजन करण्यात आले होते.. संचारबंदी असतानासुद्धा सोशल मिडियावरील रक्तदानाची पोस्ट वाचून ब-याच रक्तदात्यांनी संपर्क करून आपली नावे नोंदवली होती. रक्तदान करण्याच्या आव्हानाला प्रतिसाद देत मुलुंड मधील नागरिकांनी रक्तदान केल्याने एकूण ४१ बॅग रक्त यावेळी जमा झाले.
या रक्तदान शिबिराचे आयोजन राष्ट्रवादीचे मुलुंड तालुका अध्यक्ष अमित सुरेश पाटील आणि राष्ट्रवादीचे सांस्कृतिक विभागाचे मुलुंड तालुका अध्यक्ष योगेश मांजरेकर यांनी केले होते. यावेळी राष्ट्रवादी कॉंग्रेसचे समस्त महिला व पुरुष कार्यकर्ते, मराठा मंडळचे सभासद उपस्थित होते. कॉंग्रेसचे ईशान्य मुंबई उपाध्यक्ष कैलास पाटील, राजन भोसले, सामाजिक कार्यकर्ते प्रविण सावंत, शिवाजी सावंत, इत्यादींनी या रक्तदान शिबिरास भेट दिली.
