जळगांव(प्रतिनिधी)- कोरोना विषाणू प्रादुर्भावामुळे शाळा जरी बंद असल्या तरी पण आंतरराष्ट्रीय योग दिनानिमित्त आमच्या सुजय महाजन प्राथमिक विद्यालय व कै.मातोश्री प्रेमाबाई जैन माध्यमिक विद्यालय, सुप्रीम कॉलनी जळगाव येथे ऑनलाइन पद्धतीने योग दिन मोठ्या उत्साहात साजरा करण्यात आला. याप्रसंगी विद्यार्थ्यांना योग दिनाबद्दल इयत्ता निहाय व्हाट्सअप ग्रुप वर पीडीएफ, व्हिडिओच्या माध्यमातून योगा बद्दल सखोल असे मार्गदर्शन करण्यात आले. आंतरराष्ट्रीय योग दिनानिमित्त विद्यार्थ्यांनी घरीच योगाची विविध आसने करून फोटो शाळेच्या ग्रुप वर टाकण्यात आले कार्यक्रमाच्या यशस्वीतेसाठी शाळेचे मुख्याध्यापक गजानन सूर्यवंशी, रूपाली वानखेडे, मोहिनी चौधरी, अर्चना धांडे, धनश्री फिरके, अविनाश महाजन, नरेश कोळी, लीना नारखेडे, रोहिणी सोनवणे, तुषार नारखेडे, तसेच दिपक भोळे यांनी विशेष परिश्रम घेतले.