जळगाव: येथील उज़्मा बहुउद्देशीय संस्थेतर्फे कोरोना विषाणूचा संसर्ग व प्रादुर्भाव याच्या पार्श्वभूमीवर कोविड विषयी जनतेमध्ये जनजागृती निर्माण करण्यासाठी ‘ चला,जीवन जगूया.. कोरोना सोबत’या विशेष मोहिमेअंतर्गत वैद्यकीय क्षेत्रातील विविध शाखांचे नामांकित डॉक्टर्स आपल्या ध्वनीचित्र फितीच्या माध्यमातून कोरोना विषाणूचा प्रसार रोखण्यासाठी त्यावरील उपाययोजना,उपचार, निगा व खबरदारी या संदर्भात मार्गदर्शनपर माहिती देणार आहेत.यात मुंबईचे सुप्रसिद्ध फुफुस रोगतज्ञ डॉ.जलील पारकर, सैफी हॉस्पिटल चे न्युरो सर्जेन डॉ फारूक लोखंडे, जसलोक हॉस्पिटल चे क्रिटिकल केअर इंटेनसिविस्ट डॉ खालिद अंसारी , चेस्ट फिजिशियन डॉ शाहीद पटेल, पोद्दार आयुर्वेदचे एच ओ डी डॉ बालाजी सावंत जळगाव येथील बालरोगतज्ञ डॉ राजेश पाटील, स्त्रीरोग तज्ञ डॉ विलास भोळे, बालरोगतज्ञ डॉ माजीद खान, अस्थिरोग तज्ञ डॉ अनिस शेख, आयुर्वेदाचार्य डॉ अमित चौधरी, नागपूर येथील इंटर्वेनशनल पल्मोनोलॉजिस्ट डॉ समीर अरबट, मालेगांव मंसुरा कॉलेज चे प्रोफेसर डॉ अब्दुल इरफान अंसारी व कान नाक घसा तज्ञ डॉ मोहम्मद आमिर , पुणे येथील आयुर्वेदाचार्य डॉ शंतनु जोशी ,धुळे येथील होमिओपॅथी तज्ञ डॉ सलीम शेख , हैदराबाद यथील मुफीद वेलनेस सेंटर चे मोहम्मद मुफिद खान व आहार तज्ञ जावेद अजीज सहभाग घेतील. तसेच शहरातील विविध ठिकाणी कोरोना मार्गदर्शन केंद्र सुरू केले जातील.या केंद्रांमार्फत कोरोना बाधित रुग्ण आणि सामान्य नागरिकांचे समुपदेशन करून योग्य तो सल्लाही दिला जाईल.त्याचप्रमाणे शहरातील हॉट स्पॉट असलेल्या ठिकाणी कोरोना विषयीचे जन जागृतीपर भित्तिचित्रे लावण्यात येऊन आणि हस्तपत्रके वाटून त्यातून लोकांचे प्रबोधन केले जाणार आहे. तसेच सोशल मीडियाच्या माध्यमातूनही जाणीव व जागृती निर्माण करून कोरोनावर मात करण्यासाठी शासन आणि प्रशासनाच्या प्रयत्नांना हातभार लावण्याच्या उद्देशाने हा उपक्रम राबविला जाणार आहे.अशी माहिती एका प्रसिद्धी पत्रकाद्वारे संस्थेचे अध्यक्ष डॉ.अल्तमश हसन शेख यांनी दिली आहे.
