बांबरूड(राणीचे) येथील “बापुश्री फार्म” ला कृषी अधिकाऱ्यांची भेट

पाचोरा(प्रतिनिधी)- तालुक्यातील बांबरूड राणीचे येथील युवा आदर्श व प्रयोगशील शेतकरी मयूर अरुण वाघ हे नेहमीच नवनवीन पिक पद्धतीने विविध जुगाड यंत्रांचा वापर करुन नवनवीन पिके घेत असतात. तसेच शेती सेंद्रिय पद्धतीने वेस्ट डी कंपोजरचा वापर करुन ते पिकांना ड्रिप द्वारा व फवारनी करुन वापरतात व शेतात पारंपरिक शेती न करता सध्या त्यांनी नवीन पिक पद्धतीने मोसंबी बागेत आंतर पिक म्हणुन अद्रक व अरबी कंद हे पिके घेतली आहेत. या पिकाची पाहणी करण्यासाठी पाचोरा तालुका कृषी अधिकारी ए.व्ही.जाधव, मंडळ कृषी अधिकारी,    एस.टी.पाटील, कृषी पर्यवेक्षक डी.बी.भामर, तालुका तंत्रज्ञान व्यवस्थापक सचिन भैरव आदींनी भेट दिली.