<
जामनेर-प्रतिनिधी-अभिमान झाल्टे
जामनेर अंतर्गत काही अंतरावर असलेल्या होळ हवेली फाटा येथील गुरुदेव सेवा आश्रम ट्रस्टचे गादीपती श्याम चैतन्यजी महाराज यांनी आपल्या ट्रस्ट च्या माध्यमातून व साधकांच्या सहकार्याने
आज ग्रामीण रुग्णालयातील डॉक्टर जयश्री ताई पाटील , डॉ, सुभाष हरी पाटील, डॉ विनोद भोई, रुग्णवाहिका चालक,संजय विश्राम सुरवाडे, दत्ता पांडुरंग पाटील, नितीन बनसोडे, शिपाई… राजेश परथी नाईक, संतोष पाटील यांचा कोरोना योद्धा म्हणून गौरव करण्यात आले.
डॉ हर्षल चांदा व श्याम चैतन्य जी महाराज यांनी मनोगत व्यक्त करून डॉ जयश्री पाटील यांनी आभार व्यक्त केले.
गेल्या महिन्यात तालुक्यातील डॉक्टर, परिचारिक, महसूल, पोलिस विभाग, पत्रकार यांनाही त्यांच्या कर्तव्याच्या ठिकाणी प्रत्यक्ष जाऊन सन्मानपत्र व शाल, श्रीफळ भेट देऊन गौरव करण्यात आले होते.
त्याचप्रमाणे तालुक्यातील अनेक ग्रामीण भागेत गरजू नागरिकांना ‘एक घास प्रेमाचा…!’ या कार्यक्रमाअंतर्गत अन्नधान्यासह किराणा किट भेट दिले. यामुळे अनेकांना जीवन जगण्यासाठी आधार झालेला होता.
जिल्ह्यात ठिकठिकाणी कोविड सेंटरला जाऊन आपल्या मधुर वाणीने रुग्णांना प्रवचनाद्वारे आधार दिला. महाराजांच्या या कार्यामुळे शासकीय यंत्रणेला मोलाचा हातभार लागून कोरोना महामारीवर नियंत्रण ठेवण्यात यश मिळाले.
