<
जळगाव, (प्रतिनिधी) – ‘नजरकैद दिनदर्शिका – 2021’ चे पालकमंत्री ना. गुलाबराव पाटील यांच्या शुभहस्ते आज दि.30 नोव्हेंबर 2020 रोजी नियोजन भवन येथे प्रकाशन
करण्यात आले.यावेळी जिल्हा नियोजन अधिकारी प्रताप पाटील,सोबत नजरकैदचे संपादक प्रविण सपकाळे, सत्यमेव जयते ऑनलाईन पोर्टलचे संपादक दीपक सपकाळे, मराठी 7 चे संपादक सुनील भोळे आदी उपस्थित होते.
दर सालाबादप्रमाणे नजरकैद वृत्तपत्राचे यावर्षीही ग्लेझ्ड कागदावर आकर्षित अशी दिनदर्शिका प्रकाशित करण्यात आली असून यावर्षीच्या दिनदर्शिकेचे वैशिष्ट्य म्हणजे जैन उद्योग समूहाचे संस्थापक श्रद्येय मोठेभाऊ भवरलालजी जैन यांचे प्रेरणादायी विचार ‘कोट’ (Quotes) प्रत्येक महिन्याच्या पानावर प्रकाशित करण्यात आले असून वाचकांना मोठ्या भाऊंचे विचार वाचायला मिळणार आहे.
गेल्या दहा वर्षांपासून अखंडितपणे ‘नजरकैद’ आपल्या वाचकांच्या आग्रहास्तव दिनदर्शिका प्रकाशित करीत असते. यावर्षी देखील वाचक, जाहिरातदार यांच्या सहकार्याने दिनदर्शिका- 2021 प्रकाशित करण्यात आले आहे.
