छावा मराठा युवा महासंघातर्फे शिवजयंती निमित्त क्रीडा व सांस्कृतिक कार्यक्रम संपन्न

जळगाव – (प्रतिनिधी) – शिवजन्मोत्सवाचे औचित्य साधत छावा मराठा युवा महासंघाच्या वतीने क्रीडा व सांस्कृतिक कार्यक्रम स्पर्धेचे आयोजन करण्यात आले . यावेळी आर्यन प्ले स्कुलच्या विद्यार्थ्यांनी कराट्यांचे चित्तथरारक प्रात्यक्षिक , शिवकालीन वेशभूषा , शिवाजी महाराजांबद्दलचे उत्तम वक्तृत्व आणि कथ्थक व इतर नृत्य सादर करून उपस्थितांना मंत्रमुग्ध केले . महापौर भारतीताई सोनवणे यांचा हस्ते छत्रपती शिवाजी महाराज यांच्या प्रतिमेला माल्यार्पण होऊन प्रमुख अतिथींनी दीपप्रज्वलन व अभिवादन करीत कार्यक्रमाला सुरुवात करण्यात आली .
कार्यक्रमाचे प्रास्ताविक छावा मराठा युवा महासंघाचे जिल्हाध्यक्ष अमोल कोल्हे यांनी केले त्यात ते म्हणाले की , छत्रपती शिवाजी महाराजांना अभिप्रेत असणारे राष्ट्र निर्माण करायचे असेल , तर बालपणापासुनच मुलांवर शिव संस्कार व्हायला हवे . तसेच त्यांना क्रीडा व व्यायामाची गोडी लागावी व ते बलशाली व्हावेत म्हणूनच अशा प्रकारच्या स्पर्धांचे आयोजन केलेले आहे .
यावेळी प्रमुख अतिथी उपमहापौर सुनीलभाऊ खडके , लोकसंघर्ष मोर्चाच्या अध्यक्षा प्रतिभाताई शिंदे , महाराष्ट्र जनक्रांती मोर्चाचे अध्यक्ष मुकुंदभाऊ सपकाळे , राजेश ( गोगा शेठ ) मुंदडा , राष्ट्रवादी काँग्रेसचे महानगराध्यक्ष अभिषेक पाटील , सामाजिक कार्यकर्ते सचिनभाऊ धांडे , सौ. सरीताताई कोल्हे , डॉ. सुषमा चौधरी , नगरसेविका मिनाक्षी पाटिल आदि मान्यवर उपस्थित होते . मान्यवरांनी शिवाजी महाराजांच्या जिवनातील वेळवेगळ्या प्रसंगाचे संदर्भ देत मार्गदर्शन केले .
कार्यक्रमाचे सुत्रसंचलन हरिश्चंद्र सोनवणे सर यांनी केले . आभार प्रदर्शन अमोल कोल्हे यांनी केले . कार्यक्रमाच्या यशस्वीतेसाठी आर्यन प्ले स्कुलचे अजय काशीद , मोनिका चौधरी , राजेश इंगळे , संकेत वारुळकर , अमन तडवी , जितेंद्र पाटील , सुजाता मॅडम आणि छावा मराठा युवा महासंघाचे किरण ठाकूर , आकाश धनगर , कृष्णा जमदाडे , सागर मोतीराडे यांनी परिश्रम घेतले .
पारितोषिक वितरण अमोल कोल्हे , मुकुंदभाऊ सपकाळे , गोगा सेठ मुंदडा , डॉ. दिपक चौधरी , हरिश्चंद्र सोनवणे सर , डॉ. सुषमा चौधरी , कृष्णा माळी व छावाचे पदाधिकारी यांच्या हस्ते करण्यात आले .