वय 68 वर्ष, सीटी स्कोर 25, ऑक्सिजन लेवल 70 तरीही जिजाबाई ठणठणीत होऊन सुखरूप घरी परतल्या
पाचोरा – (प्रतिनिधी) – येथील शंभू नगरातील 68 वर्षीय जिजाबाई सर्जेराव गायकवाड यांचा सिटी स्कोर 25 ,ऑक्सीजन लेव्हल 70 आणि 100% कोवीड निमोनियाने बाधीत.
सिद्धिविनायक मल्टीस्पेशालिटी हॉस्पिटल मध्ये 20 दिवसांच्या उपचारानंतर ठणठणीत होऊन सुखरुप घरी परतल्या आहेत. गायकवाड कुटुंबीयांनी सिद्धिविनायक मल्टीस्पेशालिटी हॉस्पिटलचे डॉ स्वप्निल प्रल्हादराव पाटील यांचे केलेले कौतुक प्रेरणादायी मानले जात आहे.
शंभू नगरातील जिजाबाई गायकवाड यांना कोरोनाची लक्षणे दिसू लागल्याने त्यांना जळगाव येथील खाजगी रुग्णालयात व नंतर गोदावरी रुग्णालयात उपचारार्थ दाखल करण्यात आले परंतु प्रकृती सुधारत नसल्याने त्यांचे पोलीस कर्मचारी असलेले पुत्र रवींद्र गायकवाड यांनी त्यांना सिद्धिविनायक मल्टीस्पेशालिटी हॉस्पिटल मध्ये भरती केले. यावेळी त्यांची परिस्थिती अत्यंत नाजूक होती .त्यांचा सिटी स्कोर 25, ऑक्सीजन लेव्हल 70 व 100% कोवीड निमोनियाने ग्रस्त. अशा अवस्थेत डॉ स्वप्नील पाटील यांनी गायकवाड कुटुंबियांना दिलासा देत जिजाबाईंवर शर्थीचे उपचार केले. व 20 दिवसांच्या उपचारानंतर जिजाबाई ठणठणीत होऊन सुखरुप घरी परतल्या आहेत. त्यांचे सुखरूप घरी परतणे त्यांना मिळालेले नवीन जीवन मानले जात असून त्यांचा डॉ स्वप्नील पाटील यांच्या हस्ते सत्कार करण्यात आला तर गायकवाड कुटुंबीयांनी डॉ स्वप्नील पाटील यांचे मनापासून कौतुक करत आभार मानले.
