स्टार किडने बॉलिवूडमध्ये एंट्री करणे यात काही नवीन नाही. महाराजा या चित्रपटाद्वारे एका यशस्वी स्टारचा मुलगा बॉलिवूडमध्ये पदार्पण करण्यासाठी सज्ज झाला आहे.
महाराजा या चित्रपटाच्या चित्रीकरणाला आजपासून महाराष्ट्रात सुरुवात होणार असल्याचे म्हटले जात आहे. महाराष्ट्र सरकारने कोरोनाचे सगळे नियम पाळून चित्रीकरणास पुन्हा परवानगी दिली आहे. त्यामुळे मुंबईतील मरोळ भागात बायो बबल पद्धतीने या चित्रपटाचे चित्रीकरण होणार असल्याचे म्हटले जात आहे. यश राज फिल्मच्या या चित्रपटात आमिर खानचा मुलगा जुनैद खान दिसणार असून त्याच्या सोबत शालिनी पांडे, जयदीप अहलावत यांच्या मुख्य भूमिका आहेत.
या चित्रपटाच्या टीमच्या सगळ्यांची कोरोना टेस्ट करण्यात आली असून कोरोना लसीचा पहिला डोस देखील संपूर्ण टीमला देण्यात आलेला आहे.
