<
जळगांव(प्रतिनिधी)- केसीई सोसायटी संचलित गुरुवर्य परशुराम विठोबा पाटील प्राथमिक विद्यामंदिर तसेच एटी झांबरे माध्यमिक विद्यामंदिर जळगाव यांच्या संयुक्त विद्यमाने शिक्षक दिन साजरा करण्यात आला.
पालक शिक्षक संघाचे उपाध्यक्ष शिरसाट यांच्या हस्ते डॉ. सर्वपल्ली राधाकृष्णन यांच्या प्रतिमेला पुष्पहार अर्पण करून कार्यक्रमाची सुरुवात करण्यात आली. सर्व शिक्षक शिक्षकेतर कर्मचाऱ्यांचा यावेळी सत्कार करण्यात आला तर विद्यार्थ्यांनी ऑनलाइन पद्धतीने शिक्षकांची भूमिका साकारून विद्यार्थ्यांना शिकवले. प्रसंगी शाळेचे मुख्याध्यापक रेखा पाटील व डी व्ही चौधरी तसेच पालक शिक्षक संघाच्या कार्यकारिणीचे सदस्य सर्व शिक्षक शिक्षकेतर कर्मचारी उपस्थित होते.
