<
जामनेर(प्रतिनिधी)- जामनेर पोलीस स्टेशनमध्ये आज रोजी पाचोरा विभागाचे उपविभागीय पोलीस अधिकारी भारत काकडे यांच्या अध्यक्षतेखाली सांयकाळी ६ वाजता शांतता कमिटीची बैठक घेण्यात आली असून या बैठकीत जामनेर पोलीस निरीक्षक किरण शिंदे साहेबांनी आवाहन केले की गणपतीची स्थापना काही दिवसाने बसत आहे. कोरोना काळात गणेश उत्सव व विसर्जन साध्या पद्धतीने साजरे करावे. आज पत्रकारांसोबत घेतलेल्या शांतता कमिटीच्या मिटींग मध्ये पोलीस निरीक्षक किरण शिंदे यांनी मार्गदर्शन केले.
लोकमान्यांची परंपरा आपल्याला पुढे न्यायची आहे. गणेश मूर्तींची उंची ही दोन फूट व चार फूट ठेवण्यात येणार आहे. जर आपण उत्सव साधेपणाने करतोय तर मग कोणत्याही प्रकारचे वाजंत्री, डीजे, हे बंद असतील कोरोनाच्या प्रादुर्भावामुळे सर्व स्तरांत अनिश्चितिततेचं सावट आलं आहे. विशेषत: सणवार कसे साजरे करणार याची चिंता सगळ्यांना लागून राहिली आहे. गणेशोत्सव हा महाराष्ट्रातला सगळ्यात मोठा उत्सव असतो. हजारो लाखो भाविक गणरायाच्या दर्शनासाठी एकत्र जमतात. मात्र यावर्षी कोरोनाच्या संकटामुळे हा सण कसा साजरा होणार याबद्दल प्रश्नचिन्ह निर्माण झालं आहे. त्याच बरोबरीने महाराष्ट्रातल्या इतर भागात हा सण कसा साजरा केला जाईल याबद्दल आम्ही माहिती घेतली असून अनेक मोठी मोठी गणेशोत्सव मंडळं आहेत गणेशोत्सवाला अजून वेळ आहे. सध्या कोरोनाचं संकट मोठं आहे पण गणेशोत्सव कसा साजरा होणार देशावर या संकटामुळे जो भार आला आहे त्यामुळे सामान्य माणूस आर्थिक अडचणीत आहे.
यापलीकडे उत्सव कसा साजरा करायचा यासाठी आम्ही त्यानुसार प्रशासनाकडून जे सांगेल त्याप्रमाणे यंदाच्या गणेशभक्तांच्या आरोग्याचा आणि सामाजिक बांधिलकीचा विचार करूनच साजरा करू असंही ते पुढे म्हणाले. प्रमुख उपस्थित डी.वाय.एस.पी भारत काकडे यांनी सुद्धा मार्गदर्शन केले व सर्वांना गणेश त्सवाच्या शुभेच्छा दिल्या.
या वेळी पाचोरा विभागाचे उपविभागीय पोलिस अधिकारी भारत काकडे यांच्या अध्यक्षते खाली उपस्थिती महावितरणचे अभियंता प्रणोती पाटील, नगर पालिकेचे उपमुख्याधिकारी दुर्गेश सोनवणे, जामनेर पोलिस स्टेशनचे पोलीस निरीक्षक किरण शिंदे, सहाय्यक पोलीस निरिक्षक किशोर पाटील, सहाय्यक पो. नि.दिलीप राठोड, पोलीस पाटील विनायक पाटील , नगरसेवक भगवान सोनवणे तसेच शहरातील मुस्लीम बांधव इतर भागातील सदस्य,तसेच काही ठराविक पदाधिकारी उपस्थित होते.
