उस्मानाबाद(प्रतिनिधी)- भूम येथे कार्यकर्ता मेळावा घेत सुरेश कांबळे यांनी आपण राष्ट्रवादीमध्ये प्रवेश करणार असल्याची घोषणा केली आहे.
ते मल्हार आर्मीचे प्रमुख असून धनगर समाजाचे नेते म्हणून त्यांची ओळख आहे. त्यांनी वंचित बहुजन आघाडीकडून भुम परंडा वाशी मतदार संघात तानाजी सावंत आणि राहुल मोठे यांच्या विरोधात निवडणूक लढवली होती. त्यामुळे वंचितसाठी हा मोठा धक्का आहे. उपमुख्यमंत्री अजित पवार आणि जयंत पाटील यांच्या उपस्थितीत येत्या 16 तारखेला सुरेश कांबळे राष्ट्रवादीचे घड्याळ बांधणार आहेत.
