<
मुंबई(प्रतिनिधी)- बांद्रा-कुर्ला येथे तयार होणाऱ्या उड्डाणपुलाचा काही भाग आज सकाळी कोसळला. या अपघातात 13 मजूर जखमी झाल्याचे वृत्त आहे. सर्वांना बीएन देसाई रुग्णालयात दाखल करण्यात आले आहे. पोलीस आणि अग्निशमन दलाचे पथक घटनास्थळी पोहोचले आणि बचावकार्य सुरू केले.
एएनआय या वृत्तसंस्थेने दिलेल्या माहितीनुसार, हा उड्डाणपूल मुंबईच्या वांद्रे कुर्ला संकुलात बांधला जात होता. त्याचा एक भाग शुक्रवारी सकाळी 4:40 च्या सुमारास पडला. या अपघातात 13 मजूर जखमी झाले आहेत. डीसीपी मंजुनाथ सिंगे यांनी सांगितले की, अपघातात कोणीही बेपत्ता नाही. तसेच कोणत्याही कामगाराचा मृत्यू झाला नाही. हा अपघात कशामुळे झाला याचा तपास केला जात आहे.
