पाळधी(वार्ताहर)- येथून जवळच असलेल्या सावदा ता. एरंडोल येथे पाळधी पोलीस दूर क्षेत्राचे एपीआय गणेश बुवा यांना मिळालेल्या गुप्त माहितीच्या आधारे दिनांक 19 रोजी सकाळी साडेचार वाजेच्या सुमारास सुनील बापू सोनवणे वय 25, दिलीप हिरामण सोनवणे वय 26 दोघे रा. सावदा ता. एरंडोल विशाल किरण मालचे वय 17 राहणार मेहुणबारे तालुका चाळीसगाव यांना ताब्यात घेऊन त्यांच्याजवळील दोन गावठी बनावटीचे पिस्तोल व दोन जिवंत काडतूस दोन मोटर सायकल असा एकूण 76 हजार किंमतीचा मुद्देमाल जप्त केला.
आरोपी सोबत असलेला साथीदार भूषण तुकाराम मोरे उर्फ काल्या रा. परधाडे तालुका पाचोरा हा फरार असून आरोपीविरुद्ध धरणगाव पोलीस स्टेशनला गुन्हा.र.न.०३४९/२०२१ भारतीय हत्यार कायदा कलम ३/२५,७/२५ सह म.पो.का.क.३७(१),(३) चे उल्लंघन १३५ प्रमाणे गुन्हा दाखल करण्यात आलेला असून सदर गुन्ह्यातील आरोपी यांच्याकडून गंभीर स्वरूपाचे गुन्हे उघडकीस येण्याची शक्यता आहे.
सदर कारवाई ए.पी.आय. गणेश बुवा यांच्यासह सहाय्यक फौजदार नसीम तडवी, पो.हे. का. विजय चौधरी, संजय महाजन, अरुण निकम, गजानन महाजन, उमेश भालेराव, अमोल सूर्यवंशी ,ज्ञानेश्वर बाविस्कर, किशोर चंदनकर, दत्तात्रय ठाकरे या पथकाने केला. पुढील तपास धरणगाव पोलीस स्टेशनचे पो.नि. शंकर शेळके यांच्या मार्गदर्शनाखाली करण्यात येत आहे.
