मंथन परीक्षेत प.वि.पाटील विद्यालयाचे यश

जळगांव(प्रतिनिधी)- केसीई सोसायटी संचालित गुरुवर्य प.वि.पाटील विद्यालयाने मंथन परीक्षा 2020 मध्ये घवघवीत यश संपादन केले आहे.

त्यात इयत्ता 2 री मध्ये केतन पाटील (राज्यात 5 वा), दिशा पाठक(केंद्रातून प्रथम), श्रेयस पाटील (केंद्रातून द्वितीय), गुंजन ढाके(केंद्रात द्वितीय), प्रिया पाटील (केंद्रात तृतीय), वैष्णवी सोनवणे(केंद्रात चौथी) तसेच इयत्ता 4थी मधून आदित्य पाटील(केंद्रात प्रथम), प्रतीक देवरे (केंद्रात द्वितीय) क्रमांक मिळवून उत्तीर्ण झाले. यशस्वी विद्यार्थ्यांना धनश्री फालक, सूर्यकांत पाटील, अशोक चौधरी, स्वाती पाटील आदी शिक्षकांचे अनमोल असे मार्गदर्शन लाभले.

सर्व यशस्वी विद्यार्थ्यांचे मुख्याध्यापिका रेखा पाटील यांच्या हस्ते स्मृतिचिन्ह व पारितोषिक देऊन गौरविण्यात आले.