<
अमळनेर(प्रतिनिधी)- शहरात आमदार अनिल भाईदास पाटील यांनी राबवलेल्या महालसीकरणात दहा हजार कोविशिल्डचे डोस आठरावर्षवरील नागरिकांना देण्यात आले.
पहिला व दुसरा असे दोन्ही डोस शिबीरात देण्यात आले. दिवसभर मोठ्या प्रमाणात कोरोनाची नियम पाळत नागरिकांनी लशीचा लाभ घेतला. स्वतः आमदार दिवसभर शिबीर स्थळी उपस्थित होते. या आधीही कोरोनामुक्त शहराच्या दिशेने वाटचाल करण्यासाठी आमदार अनिल पाटील यांनी कोरोना काळात देखील साने गुरुजी शाळेत शहरातील नामांकित डॉक्टर याचे सहकार्य घेत सर्दी, खोकला, ताप असणाऱ्या नागरिकांसाठी विशेष मोहिम राबवली होती.
आमदारांच्या या स्तुत्य उपक्रमाबद्दलकौतुक व्यक्त होत आहे. प्रसंगी एन.टी.मुंदडा विद्यालयाचे शिक्षक भाऊसाहेब भालचंद्र पाटील यांनीही दुसरा डोस घेऊन या महालसीकरणाची माहिती देत आमदारांचे व कार्यकर्त्यांचे आभार नागरिक मानत असल्याचे सत्यमेव जयतेशी सवांद सादर भावना व्यक्त केल्या. यात सेल्फी पॉईंट विशेष आकर्षण ठरत होत, नागरिक लस घेऊन सेल्फी काढत आनंद व्यक्त करीत होते.
