<
पाळधी(वार्ताहर)- राष्ट्रपिता महात्मा गांधी व लाल बहादूर शास्त्री यांच्या जयंती निमित्त व भारत देशाच्या स्वातंत्र्य चा अमृत महोत्सवी वर्ष निमित्त महसूल विभाग धरणगाव तर्फे बांभोरी प्र.चा.गावात ना. गुलाबराव पाटील, स्वछता व पाणीपुरवठा मंत्री, महाराष्ट्र राज्य तथा पालकमंत्री, यांच्या अध्यक्षतेखाली शेतकऱ्यांना मोफत डिजिटल ७/१२ चे वाटप, संजय गांधी निराधार योजनेचा मंजूर प्रकरणे, रेशन कार्ड वाटप करण्यात आले. गिरणा नदीच्या पुरात मृत्युमुखी पडलेल्या पंढरीनाथ सपकाळे यांच्या कुटुंबातील व्यक्तींना ४लाख रुपयांचा धनादेश, पिठाची गिरणी, एक महिन्याचे रेशन पालकमंत्र्यांच्या हस्ते देण्यात आले.
प्रसंगी अभिजित राऊत जिल्हाधिकारी, पंकजकुमार आशिया मुख्य कार्यकारी अधिकारी, जि.प.जळगाव, उपजिल्हाधिकारी श्री. महाजन, एरंडोल प्रांताधिकारी श्री. गोसावी, धरणगाव तहसीलदार श्री. देवरे, धरणगाव नायब तहसीलदार श्री. सातपुते, सरपंच-बांभोरी प्र.चा.सचिन बिऱ्हाडे, माजी सभापती धरणगाव पं.स. रवींद्र नन्नवरे, माजी सरपंच बांभोरी गोपाल नन्नवरे, माजी सरपंच बांभोरी ईश्वर नन्नवरे, पाळधी पोलीस उपनिरीक्षक गणेश बुवा, सरपंच-आव्हाणे सदाशिव पाटील, मंडळ अधिकारी अमोल पाटील, तलाठी गजानन बिंडवाल, ग्रामसेवक बांभोरी दीपक पाठक, ग्रामपंचायत सदस्य बांभोरी संदीप कोळी, तलाठी कार्यालय बांभोरी नारायण सोनवणे तसेच गावातील सर्व ग्रामपंचायत सदस्य, पोलीस पाटील, कोतवाल, कर्मचारी, शेतकरी व गावातील सर्व माजी सरपंच व गावातील सर्व प्रतिष्ठित नागरिक, युवक, महिला यांची प्रमुख उपस्थिती होती.
