<
पाळधी(वार्ताहर)- येथील इम्पिरियल इंटरनॅशनल स्कूल येथे आज नवरात्री निमित्ताने “जागर स्त्री शक्तीचा ” या कार्यक्रमा अंतर्गत आज वैशाली विसपुते संस्थापिका निधी फाऊंडेशन यांना आमंत्रित करण्यात आलं होत. या वेळी वैशाली विसपुते यांनी विद्यार्थिनीना वैयक्तिक स्वच्छता आणि सुरक्षा याबददल सखोल माहिती मार्गदर्शन केलं.
सोबतच “गुड टच आणि बॅड टच” यातला फरक विद्यार्थीनीना समजावुन सांगितले. यावेळी संस्थेचे अध्यक्ष इंजि. नरेश पी.चौधरी यांच्या हस्ते वैशाली विसपूते यांना शाल, सन्मानचिन्ह देऊन सन्मानित करण्यात आले. तसेच यावेळी प्रमुख अतिथी सुर्यकांत विसपुते आणि नंदलालजी तिडके यांची ही कार्यक्रमास उपस्थिती होती. या वेळी शाळेचे प्राचार्य, महेश कवडे, समन्वयक जी.डी.पाटील व विद्या पाटील व समस्त शिक्षक व शिक्षकेतर कर्मचारी उपस्थित होते.
