<
पाळधी(वार्ताहर)- येथील श्रीमंत काशी पंढरी नगर व शिवपार्वती मित्र मंडळाच्या वतीने नवरात्र निमित्त पालकमंत्री ना.गुलाबराव पाटील यांच्या हस्ते आरती करण्यात आली. बसस्थानका मागील या वसाहतींमध्ये पालकमंत्र्यांच्या आरती निमित्त संपूर्ण परिसरात रांगोळ्या काढून सुशोभित करण्यात आले होते.
स्वागतासाठी ढोल-ताशा व फटाक्यांची आतषबाजी करण्यात आली. श्रीमंत काशी पंढरी नगर मित्र मंडळाच्या वतीने सरस्वती मातेची प्रतिमा पालकमंत्र्यांना भेट करण्यात आली. यावेळी धरणगाव पंचायत समिती माजी सभापती राजू भैया पाटील यांची प्रमुख उपस्थिती होती. कार्यक्रम यशस्वीतेसाठी वि.का.सो. सचिव सुभाष कापुरे, नाना चौधरी, मुकेश भोई, गोपाळ सोनवणे, राहुल ठाकूर, संदीप पाटील, भारत पवार, गुलाब माळी, हर्षल माळी, सुधाकर माळी, प्रकाश महाजन, दिपक कोळी यासह मंडळाच्या कार्यकर्त्यांनी परिश्रम घेतले.
