<
जामनेर(प्रतिनिधी)- येथील तालुका विधी सेवा समिती व म.वकील संघ जामनेर यांच्या संयुक्त विद्यमाने कायदा शाखेचे विद्यार्थी व पॅनल विधीज्ञ यांच्या मार्फत जामनेर तालुक्यातील मोयखेडा दिगर येथे कायदा जनजागृती शिबिर घेण्यात आले. तसेच गावात कॅम्प चे आयोजन करून रॅली काढण्यात आली. रॅलीला सर्व गावातील ग्रामस्थांनी भरभरून प्रतिसाद दिला.
या ठिकाणी डोअर टू डोअर चे कॅम्प आयोजन करुन कायदा जनजागृती पत्रिका वाटप करण्यात आले. प्रसंगी, एस एस मणियार विधी महाविद्यालयाचे विद्यार्थी संकेत राजपूत, गणेश चौधरी, सचिन पाटील, गोविंदा जाधव, मिलिंद सपकाळे, विनोद सोनवणे, दिपक भोई, तेजस्विनी पाटील, दीक्षा गायकवाड, पूजा साखला, प्रिया शिंपी यांनी घरोघरी फिरून कायदेविषयक जनजागृती केली. लोक अदालत बाबत गणेश चौधरी यांनी मार्गदर्शन केले.विधी सेवा प्राधिकरण बद्दल ऍड. आशुतोष चंदेले, झिरो एफआयआर बद्दल ऍड. कोमल काळे यांनी मार्गदर्शन केले. सूत्रसंचालन मिलिंद सपकाळे यांनी केले.
