<
जळगांव(प्रतिनिधी)- शहरातील आकाशवाणी चौकात महामार्गावर नवीन सर्कलचे बांधकाम सुरु करण्यात आले असून महाबळ कॉलनी, संभाजी नगर, रायसोनी नगर, आदर्श नगर, मोहाडी रोड परिसरातील नागरिकांचा येण्यासाठी जाण्यासाठी या चौकातून मोठ्या प्रमाणावर वापर होतो.
या ठिकाणी नवीन सर्कलचे बांधकाम सुरु असल्याने वाहतुकीचा प्रचंड खोळंबा होत असून नागरिकांना नाहक त्रास सहन करावा लागत आहे. तरी सदर सर्कल बाबत योग्य तो तात्काळ निर्णय घेऊन बांधकाम थांबविण्यात यावे, अश्या आशयाचे निवेदन राष्ट्रवादी महानगर जिल्हाध्यक्ष अशोक लाडवंजारी यांनी जिल्हाधिकाऱ्यांना दिले. निवेदन देते वेळी अशोक लाडवंजारी यांच्यासह प्रदेश प्रवक्ता योगेश देसले, अमोल कोल्हे, जितेंद्र चांगरे, विशाल देशमुख, अनिल पवार उपस्थित होते. सदर सर्कलचे बांधकाम न थांबविल्यास राष्ट्रवादी काँग्रेस पार्टी जळगांव महानगराच्या वतीने आंदोलन करण्यात येईल, असा इशाराही निवेदनाद्वारे देण्यात आला.
