<
जळगांव(प्रतिनिधी)- एकात्मिक बालविकास सेवा योजना जळगाव प्रकल्पातील बाल विकास प्रकल्प अधिकारी सुधा गिंधेवार ३४ वर्षांच्या प्रदीर्घ शासकीय सेवेतून निवृत्त झाल्या. जळगाव जिल्हा परिषदेचे मुख्य कार्यकारी अधिकारी डॉ.पंकज आशिया यांनी त्यांना प्रदिर्घ शासकीय सेवा दिल्याबद्दल अभिनंदन करुन शुभेच्छा दिल्या.
तसेच जिल्हा कार्यक्रम अधिकारी महिला व बालविकास विभाग देवेंद्र राऊत यांच्या उपस्थितीत एकात्मिक बालविकास सेवा योजना कार्यालय जळगाव येथे बालविकास प्रकल्प अधिकारी सुधा गिंधेवार यांचा सेवानिवृत्ती सोहळा पार पडला. सदर कार्यक्रमास तालुका वैद्यकीय अधिकारी डॉ.संजय चव्हाण, शासकीय बालगृह अधीक्षक राजेंद्र पाटील, जळगाव प्रकल्पातील सर्व पर्यवेक्षिका, कार्यालयीन कर्मचारी, आरोग्य विभागातील कर्मचारी उपस्थित होते.
