भडगांव (प्रतिनिधी) : महिला दक्षता तथा सामाजिक जनजागृती अभियान यशस्विनी महिलांच्या वतीने भारतरत्न गानसम्राज्ञाी लता मंगेशकर यांच्या प्रतिमेचे पूजन माल्यार्पण करून भावपूर्ण श्रद्धांजली अर्पण करण्यात आली. भारतरत्न लता दिदींचा संघर्षमय जीवन प्रवास, गायन कला क्षैत्रातील योगदान व आपल्या मंजूळ सुरांनी भारताचे नाव जागतिक पातळीवर गाजविणाऱ्या एकमेव तेजस्वी तारा लता दिदींच्या रूपाने निखळला आहे.
असे मत महिला दक्षता अध्यक्षा नगरसेविका योजना पाटील, समिती उपाध्यक्षा मिना बाग, तालुकध्यक्षा रेखा पाटील, शहराध्यक्ष हर्षा पाटील, अभियान सदस्या अनुक्रमे मिरा साळुंखे, ज्योती साळुंखे, मंदाकिनी पाटील, सुषमा पाटील, सुवर्णलता पाटील, मोनाली बागल, भारती पाटील सह उपस्थित मान्यवर महिलांनी व्यक्त करून भारतरत्न लता मंगेशकर यांना सुमनांजली अर्पण केली.
