<
स्नेहाच्या शिदोरी चे किराणा वस्तु अधीक्षक ज्ञानेश्वर पवार यांना देताना फारुक शेख सोबत डावीकडून ज्ञानदेव महाजन, दिगंबर पाटील, अमजद पठाण व आकाश धनगर दिसत आहे
सहा दिवस साठ गरजवंतांना देणार स्नेहाची शिदोरी– फारूक शेख
जैन इरिगेशन कंपनी चे तथा भवरलाल कांताबाई जैन मल्टीपर्पज फाउंडेशन चे अध्यक्ष अशोक भाऊ जैन यांचा १० फेब्रुवारी हा ६० वाढदिवस या वाढदिवसाच्या निमित्ताने अशोक जैन यांचे महाविद्यालईन मित्र तथा मुस्लिम मनियार बिरादारीचे अध्यक्ष फारुक शेख यांनी सुद्धा जैन यांच्या संस्कारा प्रमाणे ते स्नेहाच्या शिदोरी द्वारे दोन वर्षा पासून लोकांची भूक शमवित आहे त्याला अनुसरून जळगाव शहरातील मुलांचे व मुलींचे रिमांड होम, विविध वस्तीगृह, ज्या ठिकाणी जे मुलं आपले शिक्षण घेत आहेत अशा विद्यार्थ्यांची भूक शमविण्यासाठी चा एक छोटासा प्रयत्न स्नेहाच्या शिदोरी द्वारे करीत असल्याचे फारुक शेख यांनी सांगितले व त्याचाच भाग म्हणून आज सुरुवात त्यांनी जळगाव येथील जिल्हा परिविक्षा आणि अनु संरक्षण केंद्रापासून ( रिमांड होम)केली.
सत्तर मुलं आणि मुली यांना रात्रीचे स्नेहाची शिदोरी अर्पण
७० मुले व मुलींसाठी स्नेहाची शिदोरीला लागणारे किराणा रिमांड होम चे अधीक्षक ज्ञानेश्वर पवार, पर्यवेक्षक दिगंबर पाटील व मेस व्यवस्थापन प्रमुख ज्ञानदेव महाजन यांना सुपूर्द केले यावेळी फारुक शेख सोबत प्रवीण ठाकरे, अमजद पठाण, आकाश धनगर व समीर शेख यांची उपस्थिती होती.
अशाच प्रकारे साठ गरजू लोकांना सहा दिवस स्नेहाची शिदोरी चे वाटप विविध ठिकाणी करणार असल्याचे फारुक शेख यांनी सांगितले.
