<
जळगाव-(प्रतिनिधी) – आज दिनांक १९ फेब्रुवारी २०२२ शनिवार रोजी छत्रपती शिवाजी महाराज यांचे जयंती निमित्ताने जळगाव येथील शिवतीर्थ मैदानावर श्रीमंत शिवतेज प्रतिष्ठान व त्यासोबत संलग्न असलेल्या विविध सामाजिक संस्था व रेडप्लॅस ब्लड बँक,एम.जे.कॉलेज रोड,जळगांव यांचे संयुक्त विद्यमाने भव्य रक्तदानाचा कार्यक्रम संपन्न झाला.
कार्यक्रमाच्या सुरुवातीला सार्वजनिक गणेशोत्सव महामंडळाचे सचिन नारळे, किशोर भोसले, डॉ.हितेंद्र गायकवाड, सुरज दायमा, राहुल परकाडे, गजानन माळी राहुल जोशी या मान्यवरांच्या हस्ते दिप प्रज्वलन करण्यात येऊन शिव प्रतिष्ठान हिंदुस्तानचे आकाश फडे यांनी ध्येय मंत्र,प्रेरणा मंत्र, आरती करुनरक्तदान शिबीराच्या कार्यक्रमाला सुरुवात झाली.
शहरातील श्रीमंत शिवतेज प्रतिष्ठान,जळगाव यांनी याआधी सुध्दा असेच अनेक सामाजिक व सांस्कृतिक उपक्रम राबविलेले आहे. हिच प्रेरणा लक्षात घेऊन यावर्षी छत्रपती शिवाजी महाराज यांचे जयंतीनिमित्ताने श्रीमंत शिवतेज प्रतिष्ठान,जळगाव यांनी व जळगांव शहरातील टायगर गृप, सार्वजनिक गणेशोत्सव महामंडळ, शिव प्रतिष्ठान हिंदुस्तान, शिव प्रतिष्ठान युवा, अष्टविनायक मित्र मंडळ, वंदनिय बाळासाहेब ठाकरे सेवा कक्ष, डॉ.श्रीकांत शिंदे फाऊंडेशन, सेवा समर्पन फाऊंडेशन इ. सदरील रक्तदान शिबीराचे आयोजन केलेले होते.
रक्तदान शिबीरास शहरातील शिवप्रेमी व संघटनेच्या पदाधिकाऱ्यांनी मोठ्या प्रमाणावर प्रतिसाद दिल्यामुळे २८० एवढ्या बाटल्यांचे रक्तदान संकलन करण्यात आले. सदरील रक्तदान शिबीरास जळगाव शहरातील मा.प्रविण मुंढे साहेब, मा.चिंथा साहेब, मा.गवळी साहेब, महापालीकेचे आयुक्त मा.सतीष कुलकर्णी, जळगाव जिल्ह्याचे पालकमंत्री माननीय श्री गुलाबराव पाटील महापौर मा.जयश्रीताई महाजन, उपमहापौर मा.कुलभूषण पाटील विराज कावडीया यांचेसह अनेक अधिकारी वर्गाने यावेळी भेट दिली.
सदरील कार्यक्रम यशस्वीतेसाठी श्रीमंत शिवतेज प्रतिष्ठान,जळगाव चे अध्यक्ष श्री.दिपक दाभाडे व रेड प्लस ब्लड बँक,जळगाव चे डॉ.भरत गायकवाड,प्रकाश सपकाळे, दिपक सपकाळे, यांचेसह सपाले मोहन पाटील, पप्पू जगताप, संदिप दाभाडे, युसूफ भाई, अभिजीत कदम, किसन मेहते, अरुण चव्हाण,रोहन महाजन, अतुल उबाळे यांनी परिश्रम घेतले.
