<
राष्ट्रीय नेते व महाराष्ट्राच्या जडणघडणीत ज्यांचा सिंहाचा वाटा आहे असे राष्ट्रवादी काँग्रेस पार्टीचे राष्ट्रीय अध्यक्ष खासदार शरद पवार साहेब यांच्या फोटोचे विडंबन करून आढळ मावशी व मौलानांचा चेहरा व इतर चेहरे लावुन तसेच महाराष्ट्र राज्याचे मुख्यमंत्री उद्धवजी ठाकरे साहेब यांच्याहि फोटोचे विद्रुपीकरण करून वेगवेगळ्या कॉमेंट्स फेसबुक वर पाठवणारे हेमंत डोलारे हे जळगाव येथील रहिवासी असून नेहमीच व अनेक दिवसापासून शिवसेना , राष्ट्रवादी काँग्रेस व भारतीय राष्ट्रीय काँग्रेसचे नेते श्री. उद्धवजी ठाकरे साहेब , श्री. शरदचंद्र पवार साहेब , श्रीमती सोनियाजी गांधी , राहुलजी गांधी , प्रियंकाजी गांधी , अजित दादा पवार , सुप्रिया ताई सुळे व देशातील ईतर नेत्यांच्या बाबतीत उपरोधिक टीका टिप्पणी करून त्यांच्या चेहऱ्यांचे विद्रुपीकरण करून देशातील व समाजातील वातावरण गढूळ करण्याचा प्रयत्न करून एका विशिष्ट राजकीय पार्टीचे समर्थन व राष्ट्रवादी काँग्रेस पार्टी , शिवसेना व भारतीय राष्ट्रीय काँग्रेस या पक्षांची बदनामी करून चुकीची प्रतिमा समाज माध्यमात पसरवित असतात . त्यांच्या या बेताल वागण्याने समाजात तेढ निर्माण होत असुन , राजकीय व सामाजिक वातावरण गढूळ करण्याचे काम हेमंत डोलारे हे करीत आहेत . त्यामुळे त्यांच्यावर कायदेशीर कारवाई करण्यात यावी गुन्हा नोंदविण्यात यावा , असे निवेदन जळगाव महाविकास आघाडीतर्फे जिल्हा पेठ पोलीस स्टेशनचे पोलीस निरीक्षक रामदास वाकोडे साहेब व सायबर क्राईम सेल जळगावचे पोलीस निरीक्षक लीलाधर कानडे साहेब यांना देण्यात आले . सदर निवेदन देतांना शिवसेना राष्ट्रवादी काँग्रेसचे महानगराध्यक्ष अशोकभाऊ लाडवंजारी , भारतीय राष्ट्रीय काँग्रेसचे महानगराध्यक्ष शामकांतभाऊ तायडे , शिवसेनेचे महानगराध्यक्ष शरदभाऊ तायडे , राष्ट्रवादी युवक काँग्रेसचे महानगर कार्याध्यक्ष सुशीलकुमार शिंदे , माजी नगरसेवक राजू भाऊ मोरे , डॉ. रिजवान खाटिक , राष्ट्रवादी काँग्रेसचे महानगर उपाध्यक्ष अमोल कोल्हे , अकिल पटेल , विशाल देशमुख , नईम खाटिक , संजय जाधव , किरण चव्हाण काँग्रेसचे प्रदीपदादा सोनवणे आदी कार्यकर्ते उपस्थित होते .
