<
पाचोरा – (प्रतिनिधी) – वंचित बहुजन आघाडी तालुका पाचोरा येथे आज मा. अॅड. प्रकाशजी आंबेडकर यांच्या वाढदिवसानिमित्त भव्य रक्तदान शिबीर चे आयोजन पाचोरा तालुका व शहर पदाधिकारी यांनी पाचोरा तालुका अध्यक्ष श्री. विशाल तात्या बागुल व पाचोरा तालुका महासचिव श्री. दिपक परदेशी यांच्या मार्गदर्शनाखाली पार पडला यावेळी शहर अध्यक्ष आबा बागुल ( कोळी) , शहर उपाध्यक्ष शाकिर बागवान, व शहराचे सर्व पदाधिकारी व कार्यकर्ते उपस्थित होते .
पाचोरा तालुका उपाध्यक्ष श्री. सुनिल कदम यांनी प्रतेक रक्त दात्यांना फळं व थंड पाणी वाटप केले तसेच प्रसिध्दी प्रमुख आकाश भाऊ पवार यांनी कडक उन्हापासून बचाव होण्यासाठी मंडपात रक्तदात्यासाठी दोन कुलर व पार्ले जी बिस्कीट वाटप करुन अनमोल सहकार्य केले . अतिशय आनंद उत्साहात मा. अॅड प्रकाशजी आंबेडकर यांचा जन्मदिवस पाचोरा तालुका ठिकाणी रक्तदान शिबीर आयोजित करुन साजरा करण्यात आले . नंतर रेड प्लस ब्लड सेंटर यांच्या तर्फे भव्य रक्तदान शिबिर सन्मानचिन्ह देऊन वंचित बहुजन आघाडी पाचोरा तालुका अध्यक्ष विशाल भाऊ बागुल व पाचोरा तालुका महासचिव दिपक परदेशी यांना सम्मानीत करण्यात आले.
