<
भडगाव – (प्रतिनिधी) – कर्मवीर तात्यासाहेब हरि रावजी पाटील,किसान शिक्षण संस्था,भडगाव,संचलीत वडजी येथील टी.आर. पाटील विद्यालय व कनिष्ठ महाविद्यालय येथे २१ जून रोजी स्वातंत्र्याचा अमृत महोत्सवांतर्गत आंतरराष्ट्रीय योग दिवस विद्यार्थी-विद्यार्थिनी,शिक्षक-शिक्षकेतर बंधु-भगिनी यांच्या सहभागाने मोठ्या उत्साहात संपन्न झाला.
सुरूवातीला योग दिनानिमित्त गावात मुलांची प्रभातफेरी काढण्यात आली.योगाचे महत्व पटवून देण्यासाठी मुलांनी घोषणा दिल्या .
यानंतर प्राचार्य ए .एस.पाटील यांनी प्रास्ताविकातुन स्वातंत्र्याचा अमृत महोत्सवातंर्गत होत असलेल्या योग दिवसाचे महत्त्व अतिशय सुंदर शब्दांत विषद केले,त्यानंतर प्रत्यक्षात विविध आसनांच्या प्रात्यक्षिकासोबत त्या आसनाने आपल्या जीवनात कसा लाभ होतो याचे स्पष्टीकरण देत उपशिक्षक राकेश पाटील सर यांनी प्रत्यक्षात योगासने करुन दाखविली. यावेळी विद्यालय व कनिष्ठ महाविद्यालयातील उपस्थित सर्व शिक्षक-शिक्षकेतर बंधु-भगिनींनी आणि विदयार्थ्यांनी मोठ्या उत्साहानं योग दिनात योगासने करुन सहभाग नोंदवला.
कार्यक्रम यशस्वी होणेसाठी प्राचार्य ए .एस. पाटील यांचे सह सर्व शिक्षक-शिक्षकेतर बंधु-भगिनींनी मेहनत घेतली.
