<
मुक्ताईनगर – (प्रतिनिधी) – आज दिनांक 1जुलै 2022 रोजी कृषी दिनानिमित्त माननीय माजी मुख्यमंत्री वसंतराव नाईक साहेब यांच्या जयंतीनिमित्त व कृषी संजीवनी मोहीम मोहिमेचा सांगता म्हणून मौजे कुऱ्हा तालुका मुक्ताईनगर येथे कार्यक्रम आयोजित करण्यात आला होत.
तालुक्यातील प्रगतशील शेतकरी श्री नवनीत पाटील तसेच तालुका कृषी अधिकारी, भुसावळ श्री अभिनव माळी, ग्रामस्थ मंडळी, महिला बचत गट सदस्य, शेतकरी उत्पादन कंपनी सदस्य व तालुका कृषी अधिकारी कार्यालयातील क्षत्रिय अधिकारी व कर्मचारी यांची उपस्थितीत होती. कार्यक्रमाचे आयोजन हे संत मुक्ताई शेतकरी उत्पादक कंपनी येथे करण्यात आली.
कार्यक्रमात तालुक्याचे प्रगतशील शेतकरी श्री नवनीत पाटील यांनी बचत गत सदस्यांना PMFME तसेच POKHRA योजनेचे फायदे सांगत लाभ घेण्याचे आवाहन केले. तालुका कृषि अधिकारी श्री अभिनव माळी यांनी ग्रामस्थांना पौष्टिक तृणधान्य पिकांचा महत्व सांगून भाजीपाला मिनी किट चे वाटप केले तसेच कृषी विभागाच्या सर्व योजनांची माहिती दिली व शेतकरी गटांना उद्योजक बनण्याचे आव्हाहन केले.
