”विक्रांत रोणा” चा बॉक्स ऑफिसवर धुमाकूळ

मनोरंजन

कन्नड अभिनेता किच्चा सुदीप व बॉलीवूड अभिनेत्री जॅकलिन फर्नांडिस अभिनित “विक्रांत रोणा” या पॅन इंडिया चित्रपटाने आज प्रदर्शनाच्या पहिल्या दिवशी २९ जुलै रोजी भारतात १९.६० कोटी रुपयांची विक्रमी कमाई केली असून, यात हिंदी भाषेतील डब व्हर्जनला थंड प्रतिसाद मिळाला असून, त्याने १ कोटी रुपये कमावलेले आहे.

मुळात कन्नड भाषेत निर्मित झालेला हा चित्रपट 2D व 3D मध्ये प्रदर्शित करण्यात आला तसेच मिळालेल्या माहितीनुसार, जागतिक स्तरावर “विक्रांत रोणा” ने आतापर्यंत ४५ कोटींची कमाई केली आहे. हिंदी डब व्हर्जनला जरी थंड प्रतिसाद मिळाला असला, तरी कन्नड व्हर्जनला उत्तम प्रतिसाद लाभला आहे. चित्रपटाने केरळ व तामिळनाडू सारख्या राज्यात ८० लाख कमावले आहेत.

लवकरच हा चित्रपट ५० कोटींचा टप्पा गाठेल, अशी शक्यता वर्तविली जात असून, आजच्याच दिवशी ‘एक विलेन रिटर्न्स’ हा चित्रपटसुद्धा प्रदर्शित झाला आहे, त्यामुळे ह्या दोन्ही चित्रपटांची बॉक्स ऑफिसवरची चढाओढ ही बघण्यासारखी असणार हे निश्चितच!