<
जळगाव – (प्रतिनिधी)
शहरातील मोहन नगर येथून अज्ञात चोरट्याने एका तरुणाची २० हजार रुपये किंमतीची दुचाकी चोरल्याची घटना घडली असून, दुचाकी चोरी होण्याच्या घटनांमध्ये वाढ होत आहे.
मिळालेल्या माहितीनुसार, व्यवसायाने इलेक्ट्रिशियन असलेले हेमंत बडगुजर (रा.कुपनगरी ता.आव्हाणा जि. जळगाव) हे आपल्या कुटुंबियांसोबत वास्तव्यास आहे व हे काम करून ते त्यांच्या कुटुंबाचा उदरनिर्वाह करतात. हेमंत बडगुजर हे जळगाव शहरात मोहन नगर येथील हाती घेतलेल्या इलेक्ट्रिक कामाच्या मोटारसायकल (एमएच १९ एसबी ६७२) ने ३० जुलै रोजी ४ वाजता आले व त्यांनी त्यांची ही दुचाकी काम करण्याच्या ठिकाणी बाहेर पार्किंग करून लावली होती.
नेमके याच वेळी चोरट्यांनी संधीचा फायदा घेत त्यांची २० हजार रुपये किंमतीची दुचाकी लांबविली. घरी जाण्याच्या तयारीत असलेले बडगुजर यांना पार्क केलेल्या जागी आणि सर्वत्र शोधाशोध करूनही दुचाकी सापडली नाही. अखेर सोमवारी १ ऑगस्ट रोजी दुपारी ३ वाजता त्यांनी रामानंदनगर पोलीस ठाण्यात धाव घेतली.
बडगुजर यांच्या तक्रारीवरून अज्ञात चोरट्याविरोधात गुन्हा दाखल करण्यात आला असून, पुढील तपास पो.ना. विनोद सूर्यवंशी करीत आहेत.
