मनोरंजन
सध्या बॉलीवूडचा बादशाह अर्थात अभिनेता शाहरुख खान हा त्याच्या आगामी चित्रपट ‘जवान’ मुळे चर्चेत येत आहे. काही दिवसंपासूनच शाहरुख खानचे चाहते व प्रेक्षक हे त्याच्या कमबॅकची वाट बघत होते. आता या चित्रपटाच्या आलेल्या अपडेट्स नुसार, ‘जवान’ मध्ये प्रतिभावंत साऊथ सुपरस्टार विजय सेतुपती हे खलनायकाची भूमिका करणार असल्याचे वृत्त आहे.
तब्बल चार वर्षांनंतर शाहरुख खान सध्या अनेक चित्रपटांच्या चित्रीकरणात व्यस्त असून, ‘जवान’ मध्ये शाहरुख अभिनेत्री नयनतारा सोबत रोमान्स करताना दिसेल. याआधी ह्या चित्रपटात खलनायकाची भूमिका करण्यासाठी बाहुबली फेम अभिनेता राणा दग्गुबत्ती यांना विचारले गेले, परंतु राणाकडे तारखा उपलब्ध नसल्यामुळे यात अभिनेता विजय सेतुपती यांची खलनायकाची वर्णी लागली आहे.
जवान बद्दल अधिक बोलायचे झाल्यास, हा सिनेमा एक पॅन इंडिया सिनेमा आहे, ज्याचे दिग्दर्शन तामिळ निर्देशक एटली हे करत आहेत. एटली यांनी ‘थेरी’ ‘मरसेल’ अशा अनेक चित्रपटांचे दिग्दर्शन केले. या सिनेमात शाहरुख खान, नयनतारा, दीपिका पदुकोण हेही झळकणार असून, सिनेमा पुढील वर्षी २ जून ला प्रदर्शित होईल.
