Sanjay Raut Funny Memes: संजय राऊत तुरुंगात बसून पेटी वाजवतायेत? भाजपा नेते निलेश राणे (Nilesh Rane) यांनी शेअर केलेला व्हिडीओ व्हायरल होतोय.
मुंबईतील पत्राचाळ पुनर्विकास प्रकल्पात (Mumbai Patra Chawl Scam) आर्थिक घोटाळा केल्या प्रकरणी शिवसेना नेते संजय राऊत (Sanjay Raut) यांना ED ने अटक केली आहे. हे प्रकरण सध्या कोर्टात सुरु असून त्यांच्या ED कोठडीत आणखी ४ दिवस वाढ करण्यात आली आहे. पण तुरुंगात बसून ते मस्तपैकी पेटी वाजवतायेत असा उपरोधिक टोला भाजपा नेते निलेश राणे (Nilesh Rane) यांनी लगावला आहे. (Sanjay Raut Memes) अहो, एवढंच नव्हे तर संजय राऊत पेटी वाजवतानाचा व्हिडीओ देखील त्यांनी शेअर केला आहे. हा व्हिडीओ सध्या सोशल मीडियावर चांगलाच व्हायरल होतोय.
“आश्रमाच्या” “बबिताचा” बिकिनी लुक पाहुन व्हाल घायाळ
“तुरुंगात मिळाली खिडकी वाली खोली”
निलेश राणे पत्राचाळ घोटाळ्या प्रकरणी संजय राऊत यांच्यावर कडाडून टीका करत आहेत. यावेळी त्यांनी राऊतांना मीम्सच्या माध्यमातून उपरोधिक टोला लगावला. तुरुंगात बसून पेटी वाजवतानाचा व्हिडीओ तयार केला आहे. खरं तर हा व्हिडीओ मॉर्फ करून तयार करण्यात आला आहे. म्हणजे राऊतांचा पेटी वाजवतानाच्या एका व्हिडीओला एडिट करून ते तुरुंगात असल्याचं भासवण्यात आलं आहे. शिवाय या व्हिडीओला एक ट्रेंडिंग बॅकग्राऊंड म्युझिक देखील देण्यात आलाय. “जेलमध्ये खिडकीवाली खोली मिळाल्यावर होणारा आनंद” अशी कॅप्शन निलेश राणेंनी या व्हिडीओला दिली आहे. या व्हिडीओवर नेटकरी विविध प्रकारच्या प्रतिक्रिया देत आहेत.
संजय राऊत यांच्या अडचणीत वाढ
कोर्टाने संजय राऊत यांची ईडी कोठडी आणखी चार दिवसांसाठी वाढवली आहे. त्यामुळे आता राऊत यांना जामीन मिळवण्यासाठी आणखी काही काळ वाट पाहावी लागणार आहे. पुढील चार दिवस संजय राऊत यांचा मुक्काम ईडीच्या दक्षिण मुंबईतील कार्यालयातच असेल. ईडीने कोर्टात दिलेल्या माहितीनुसार, शुक्रवारी काही लोकांना चौकशीसाठी बोलावले जाणार आहे. त्यासाठी संजय राऊत कोठडीत असणे गरजेचं आहे, असं ईडीने न्यायालयाला सांगितले. न्यायालयाने ईडीची ही विनंती मान्य केली. त्यामुळे आता पुढील तपासात आणखी कोणत्या नव्या गोष्टी समोर येणार, हे पाहावे लागेल.
