ईकरा शिक्षणशास्त्र महाविद्यालयात कबचौउमवि नामविस्तार दिन साजरा

जळगाव: दि. 11/08/2022 रोजी ईकरा शिक्षण संस्थेचे ईकरा शिक्षणशास्त्र महाविद्यालय, जळगाव येथे कवयित्री बहिणाबाई चौधरी उत्तर महाराष्ट्र विद्यापीठ, जळगांवचा नामविस्तार दीन साजरा करण्यात आला. सदर कार्यक्रमात विद्यार्थिनी सैय्यद समिनाबानो हिने बहिणाबाई यांच्या जीवना बद्दल माहिती सादर केली व बहिणाबाईंच्या काही कविता सर्वांसमोर सादर केल्या.

या प्रसंगी विद्यार्थ्यांना बहिणाबाईंच्या जीवनपटचा व्हिडिओ दाखविण्यात आला. तसेच त्याची काही सुप्रसिद्ध गाणीही व्हिडिओ द्वारे दाखविण्यात आली. प्र. प्राचार्य प्रा. इरफान शेख यांनी जळगाव विद्यापीठाला बहिणाबाईंचे नाव का व कसे देण्यात आले याची उपस्थितांना माहिती दिली.
सदर कार्यक्रमात सर्व शिक्षक व विद्यार्थी उपस्थित होते.