<
न्युज नेटवर्क – अन्न व औषध प्रशासन विभागाच्या वतीने आपण कारवाईच्या बातम्या आपण वर्तमान पत्रातुन वाचत असतो, अशीच मोठी घटना घडली आहे. देशातील बहुतांश भागात खाद्यपदार्थांमध्ये भेसळ होत असल्याच्या घटना समोर येत असतात. भेसळयुक्त पदार्थांमुळे ग्राहकांच्या आरोग्यावर वाईट परिणाम होतो. यापासून लोकांना वाचवण्यासाठी अनेकदा पोलीस आणि अन्न विभागाची पथके छापे टाकून मोठमोठ्या टोळ्यांचा पर्दाफाश करत असतात.
मोठ्या प्रमाणात भेसळयुक्त दूध जप्त
डीसीपी झोन प्रवीण कुमार मीना यांनी दिलेल्या माहितीनुसार, ‘आम्हाला माहिती मिळाली की बनावट दूध विकले जात आहे. या अंतर्गत एका ट्रकला थांबवून चौकशी करण्यात आली, मात्र हे दूध कोठून आले याबाबत चालक काहीही सांगू शकला नाही. यानंतर पोलिसांच्या कारवाईत भेसळयुक्त दूध मोठ्या प्रमाणात जप्त करण्यात आलं आहे.
फॅक्ट्री लोकेशन सापडलं
प्रवीण कुमार मीणा सांगतात यांनी ‘तपासात असे आढळून आले की, दूध विविध प्रकारच्या रासायनिक पदार्थांपासून बनवले जात असून ते चार महिन्यांपासून विकले जात आहे. दूध खरेदी करणाऱ्यांची नावे कळली आहेत, ज्या फॅक्ट्रीमध्ये ते बनवले जात होते, त्या फॅक्ट्रीचे लोकेशन कळले आहे. नमुना तपासणीसाठी पाठवला असून, रिपोर्टची प्रतीक्षा आहे. एका हिंदी वेबसाईटने याबाबतचे वृत्त दिले आहे.
