<
केशवस्मृती प्रतिष्ठान संचलित मांगीलाल बाफना नेत्रपेढीच्या वतीने नेत्रदान पंधरवड्या निमित्त जळगांव शहरासाठी शालेय, महाविद्यालयीन व खुला अशा तीन गटात दि. २८ ऑगस्ट २०२२ रोजी सकाळी ०९ ते १२ या वेळेत छत्रपती संभाजीराजे नाट्य संकुल महाबळ रोड येथे “नेत्रदान श्रेष्ठदान” या विषयावर चित्रकला स्पर्धेचे आयोजन करण्यात आले आहे.
स्पर्धेसाठी चित्रकला कागद आयोजकांद्वारे पुरविण्यात येणार असून, स्पर्धकांनी त्यांच्या आवडीचे रंग व इतर चित्रकला स्वत: आणावयाचे आहे. प्रत्येक गटात प्रथम- रु. १५०१/-, द्वितीय – रु. १००१/-, तृतीय – रु. ५०१/- व उत्तेजनार्थ – रु.३०१/- बक्षीस, तसेच अन्य सर्व सहभागींना प्रमाणपत्र देण्यात येतील.
जळगांव शहरातील नागरीकांनी चित्रकला स्पर्धेत मोठ्या संखेने सहभागी होऊन नेत्रदान चळवळीत आपले अनमोल योगदान द्यावे, असे आवाहन प्रकल्प प्रमुख डॉ. धर्मंद्र पाटील व नेत्रपेढी संचालक मंडळाने केले आहे.
