पाचोरा- (प्रतिनिधी)-तालुक्यातील वरसाडे प्र. पा येथील ग्राम पंचायत सदस्य डॉ. नितीन वर्जन चव्हाण यांनी शासकीय जागेवर अतिक्रमण केलेले असल्याने त्यांच्या विरुद्ध पवन तुकाराम पवार यांनी मा. जिल्हाधिकारी जळगाव यांच्याकडे तक्रार महाराष्ट्र ग्राम पंचायत अधिनियम १९५९ चे कलम १४(ज – ३) अन्वये केली होती.
सविस्तर वृत्त असे की, सन २०२१ च्या ग्रामपंचायत सार्वत्रिक निवडणुकीत सदस्य म्हणून निवडून आले होते. परंतु ते शासकीय जागेवर अतिक्रमण करुन वास्तव्य करित असल्याबाबत पाचोरा तालुक्यातील वरसाडे येथील पवन तुकाराम पवार यांनी दिनांक १३/०८/२०२१ रोजी मा. जिल्हाधिकारी सो यांच्याकडे तक्रार दाखल केली होती. त्यावर गेल्या वर्षभरापासून कामकाज सुरू होते.
ग्रामपंचायत विवाद क्रमांक २५/२०२२ आदेश पारित दिनांक २९/०८/२०२२ रोजी कामकाज होऊन आदेश पारित करण्यात आला आहे, संबधित पाचोरा तालुक्यातील वरसाडे प्र. पा येथील ग्राम पंचायत सदस्य डॉ. नितीन वर्जन चव्हाण यांनी शासकीय जागेवर अतिक्रमण केलेले असल्याचे निश्पन्न झाल्याने त्यांना अपात्र ठरविण्यात आले आहे.
सदर प्रकरणी अर्जदारांकडून ॲड. श्याम बी जाधव यांनी काम पाहिले तर त्यांना ॲड. निरंजन ढाके व मिलींद सपकाळे यांनी सहकार्य केले.
