<
जळगाव(प्रतीनिधी)- श्री छत्रपती शिवाजी महाराज जिल्हा क्रीडा संकुलात महानगर पालिका जळगाव व जळगाव जिल्हा व्हॉलीबॉल असोसिएशन यांच्या संयुक्त विद्यमाने आज १४,१७व १९वर्षा खालील मुले व मुली व्हॉलीबॉल स्पर्धेला सुरुवात झाली. स्पर्धेचे आयोजन हे रणजित पाटील सर आणि सूर्यकांत वराडे सर यांनी केले.तसेच स्पर्धा संपन्न होण्यासाठी जिल्हा व्हॉलीबॉल संघटनेचे उपाध्यक्ष श्री डॉ.प्रदीप तळवलकर व्हॉलीबॉल संघटनेचे सचिव डॉ. देवदत्त पाटील, अतुल पाटील , डी.एन.पाटील, भैय्यासाहेब पाटील , सचिन पाटील यांचे मार्गदर्शन लाभले.
अंतिम सामन्यात१४ वर्षा आतील मुलांच्या सामन्यात न्यू इंग्लीश मेडी. स्कूल यांनी ओरीयन सी.बी.एस. इ स्कूल चा २/० या सरळ सेट मध्ये पराभव केला. १४वर्षा आतील मुलीं मध्ये आर आर विद्यालय यांनी नंदिनीबाई विद्यालयाचा पराभव केला.१७वर्षा आतील मुलांमध्ये आर आर विद्यालय यांनी सेंट लॉरेन्स स्कूलचा पराभव केला.१७वर्ष आतील मुलींमध्ये नंदिनीबाई विद्यालय यांनी सेंट लॉरेन्स स्कूल याचा पराभव केला.१९वर्षा आतील मुलांमध्ये नूतन मराठा ज्यु कॉलेज यांनी धनाजी नाना कनिष्ठ महाविद्यालयाचा पराभव केला.१९ वर्ष आतील मुलींच्या शेवटचा सामना हा बेंडाळे कनिष्ठ महाविद्यालयीन विरुद्ध विवेकानंद महाविद्यालय यांच्यात झाला यात बेंडाळे कनिष्ठ महाविद्यालय यांनी अतिशय चुरशीच्या सामन्यात २/१ अशा फरकाने हा सामना जिंकला .पंच म्हणून सूर्यकांत वराडे,सईद पिंजारी, जितेंद्र पाटील, प्रशांत तातडकर, अश्विनी परदेशी, वैष्णवी चव्हाण विशाल पाटील,रोहित, प्रदीप, राहुल,बंटी यांनी काम पाहिले.
