‘ज्युनियर फायनान्स वुइज’मधे राष्ट्रीयस्तरावर अनुभूतीला ‘सर्वोत्कृष्ठ शाळा’ पुरस्कार; वेदांत शिरुडेला व्दितीय क्रमांक

जळगाव – राष्ट्रीयस्तरावर नावाजलेल्या ज्युनियर फायनान्स वुइज या विद्यार्थी विकास व मार्गदर्शन केंद्रातर्फे मुंबई येथून फायनान्स फंडा या स्पर्धेचं आयोजन करण्यात आलं होतं. या स्पर्धेत अनुभूती निवासी शाळेला बेस्ट  परफॉर्मिंग स्कूल हे राष्ट्रीय स्तरावरचं पारितोषिक जाहीर झालं आहे. या सोबतच अनुभूति निवासी शाळेचा माजी विद्यार्थी वेदांत शिरूडे याला व्दितीय क्रमांकाचे पारितोषिक प्राप्त झाले आहे. सन्मानपत्र व दोन हजार रूपये असं पारितोषिकाचं स्वरुप आहे. वेदांत हा पुढील शिक्षणासाठी फ्रांन्स येथे गेला आहे. या यशाबद्दल संचालिका निशा जैन व प्राचार्य जे. पी. राव यांनी अभिनंदन केले आहे.