<
एरंडोल – (प्रतिनिधी) – तालुक्यातील कडोली या गावात राष्ट्रपिता महात्मा गांधीजी व माजी पंतप्रधान लाल बहादुर शास्त्रीजी या राष्ट्रपुरुषांना जयंती निमत्त अभिवादन करण्यात आले. सुरुवातीला ग्रामपंचायत कार्यालय येथे सरपंच किरण ननवरे यांच्या हस्ते प्रतिमापूजन करून अभिवादन करण्यात आले. त्यानंतर जि. प. प्राथमिक शाळा कडोली येथे प्रतिमापूजन करून मुख्याध्यापक अजबसिंग पाटील सरांनी उपस्थित ग्रामस्थ विद्यार्थी व विद्यार्थीनी यांना गांधीजी व शास्त्रीजी यांच्या जीवन चरित्रावर मार्गदर्शन केले. तसेच विद्यार्थांनी देखील भाषणं केलीत.
यावेळी कार्यक्रमाला उपस्थित कवयित्री बहिणाबाई चौधरी उत्तर महाराष्ट्र विद्यापीठ समाजकार्य विभागातील विदयार्थी योगेश माळी यांनी देखिल मनोगत व्यक्त केले. त्यानंतर उपस्थित मान्यवरांच्या हस्ते वृक्ष लागवड करण्यात आली. सदर कार्यक्रमास सरपंच :- किरण राजेंद्र ननवरे, उपसपंच सौ रेखा भोई ग्रामपंचायत सदस्य डॉ जगदिश निमकर शुभम पाटील भिमराव अहिरे विकास जाधव जि.प.शाळा मुख्याध्यापक:- अजबसिंग पाटील सर तसेच सर्व शिक्षक वृंद क.ब.चौ उमवी जळगाव. येथील समाजकार्य विभागातील विद्यार्थी:- भारती पावरा दिशा ढगे शुभाष पाटील योगेश माळी तसेच विदयार्थी व ग्रामस्थ आदि मान्यवर मोठ्या सख्येने उपस्थित होते.
