<
भडगांव प्रतिनिधी:- तालुक्यातील धोत्रे गावा जवळील शेतातुन ८० हजार रुपये किमंतीची लाल रंगाची ट्रॉली चोरी गेल्याने अज्ञात आरोपी विरोधात भडगांव पोलिस स्टेशनला चोरीचा गुन्हा दाखल करण्यात आला आहे.
याबाबत सविस्तर वृत्त असे की भडगांव तालुक्यातील धोत्रे येथील रहिवाशी शेतकरी योगेश कैलास धामोळे यांच्या मालकीची लाल रंगाची ८० हजार रुपये किमंतीची ट्रॉली फिर्यादीच्या संमती विना लबाडीच्या इराध्याने अज्ञात आरोपीने चोरून नेली म्हणुन फिर्यादी योगेश कैलास धामोळे वय- ३८ वर्ष रा. धोत्रे ता. भडगांव यांच्या फिर्यादी वरून अज्ञात आरोपी विरोधात भडगांव पो.स्टे ला भादवी कलम ३७९ प्रमाणे गुन्हा दाखल करण्यात आला आहे याबाबत पुढील तपास पोलिस निरिक्षक अशोक उतेकर यांच्या मार्गदर्शना खाली पोलिस हवालदार तात्याबा नांगरे हे करीत आहे.
