बोदवड-(राजेंद्र शेळक) – मुक्ताईनगर तालुक्यातून अवैध वृक्षतोड करून वाहतूक करणारे ट्रॅक्टर बोदवड शहरातील राज हॉटेलच्या मागे लाकडी ओंडके फेकून फरार झाले.याबाबत पाहणी केली असता या ठिकाणी मोठ्या प्रमाणात अवैध वृक्षतोड करून लाकडी ओंडके यांचे साठे साठविण्याबाबतचा प्रकार निदर्शनास आला याबाबतची माहिती येथील राष्ट्रीय छावा संघटनेचे संपर्कप्रमुख अमोल व्यवहारे यांनी रात्रीच्या साडेदहा वाजेच्या सुमारास वनपाल उमाकांत कोळी यांना माहिती दिली . वनपाल यांनी तातडीने घटनास्थळी धाव घेऊन वृक्षांची पाहणी केली व दुसऱ्या दिवशी सकाळी साडेदहाच्या दरम्यान तोडलेल्या वृक्षांचा पंचनामा करण्यात आला.
एकूण ४१ ओल्या लाकडावर जप्तीचा पंचनामा करण्यात आला त्यात ७ निंब, वावडी २२ ,पडस १, बांबुड ११ यांचा समावेश आहे. अशाप्रकारे गुन्हा नोंदवण्यात आला. बोदवड तालुक्यातील स्वामील चालक बेकायदेशीर वृक्षतोड करून लाकडांचा अवैध साठा स्वामिल परिसरात साठवीत असल्याचे समजले जाते.यावेळी वनपाल उमाकांत कोळी वनरक्षक रूपाली शिर्के व सहकारी उपस्थित होते.