लोहारा ता पाचोरा— प्रतिनिधी— ( ईश्वर खरे ) येथील संताजी युवा मंच व तेली समाज बांधवां तर्फे तेली समाजाचे आराध्य दैवत श्री संत शिरोमणी संताजी जगनाडे महाराज यांची जयंती मोठ्या उत्साहात साजरी करण्यात आली.
यावेळी नवजीवन तेली समाज मंगल कार्यालय येथून श्री संताजी जगनाडे महाराज यांच्या प्रतिमेची सवाद्य मिरवणुकीची सुरुवात करण्यात आली यावेळी संताजी महाराजांच्या मूर्तीचे पूजन शांताराम चौधरी यांच्या हस्ते करण्यात आले तर संताजी महाराजांच्या प्रतिमेचे पूजन तेली समाजाचे अध्यक्ष गोकुळ चौधरी,ग्रामपंचायत सदस्य कैलास चौधरी यांच्या हस्ते करण्यात आले.
यावेळी आकर्षक रोषणाई केलेल्या बग्गीवरून ढोल ताशांच्या गजरात संताजी महाराज यांच्या प्रतिमेची मिरवणूक काढण्यात आली.यावेळी मिरवणूक तेली समाज मंगल कार्यालय कोळी गल्ली भवानी गल्ली मार्गे गांधी चौक मेन रोड मार्गे बस स्टॅन्ड व त्यानंतर संताजी जगनाडे महाराज चौकात विसर्जन करण्यात आले.यावेळी तिळवण तेली समाज मंगल कार्यालयात संताजी महाराजांच्या प्रतिमेचे पूजन विकासो संचालक प्रभाकर चौधरी,उपसरपंच अशोक चौधरी, प्रल्हाद चौधरी यांच्या हस्ते करण्यात आले. यावेळी चंचल चौधरी,मेघा चौधरी यांनी संताजी महाराजांच्या जीवन चरित्राबद्दल माहिती दिली.तसेच कळशधारी महिलांचा सत्कार करण्यात आला.
यावेळी मिरवणुकीत संताजी युवा मंच,तेली समाजबांधव,भगिनी, बालक मोठ्या संख्येने मिरवणुकीत सहभागी झाले होते. यावेळी आभार दिपक पवार यांनी मानले.
