स्वा.सै.पं.ध.थेपडे विद्यालय एन सी सी कॅडेटचा माजी विद्यार्थी आकाश जाधव याचा सत्कार

डोमगांव – स्वा.सै.पं.ध.थेपडे माध्यमिक व उच्च माध्यमिक विद्यालय म्हसावद येथील एन सी सी कॅडेटचा माजी विद्यार्थी आकाश जाधव याचा सत्कार डोमगांव येथे दिनांक 06/ 01/ 2023 रोजी भारतीय सैन्य दलात (बी. एस. एफ.)मध्ये कार्यरत असलेले सूर्यकांत सुरवाडे तसेच त्यांचेच लहान बंधू मुबंई पोलीस दलात कार्यरत असलेले दिपक सुरवाडे यांच्या वतीने शाल, श्रीफळ व पुष्प देऊन करण्यात आला.

आकाश अरुण जाधव याने 2200 किलोमीटर अंतर सायकलीने पार केले त्याबद्दल या सत्कार कार्यक्रमाचे आयोजन डोमगाव येथे करण्यात आले होते.
याप्रसंगी आकाशचे वडील पोलीस पाटील अरुण जाधव, भूषण धनगर, गौरव सुरवाडे, सुनील पाटील, योगेश जाधव, ऍडव्होकेट सुकलाल सुरवाडे आदीे उपस्थित होते.
सैन्याविषयी आकर्षण व देशभक्तिच्या भावनेने प्रेरित होऊन एनसीसी मध्ये सामील झाल्याचे आकाश जाधव याने यावेळी सांगितले.

दरम्यान आकाश जाधव याच्या या यशाचे कौतुक सर्व स्तरावरून केले जात आहे.आकाश कडून प्रेरणा घेऊन विद्यार्थ्यांनी राष्ट्रीय एकात्मता व देशभक्ती रुजविण्याचे कार्य करावे. डोमगावचे पोलीस पाटील अरुण जाधव यांचे ते सुपुत्र आहेत.