<
विद्यापीठात आज ‘महात्मा फुले ते डॉ. बाबासाहेब आंबेडकर जयंती महोत्सवाचे, मा.सुजात आंबेडकर यांच्या हस्ते उदघाटन
कवयित्री बहिणाबाई चौधरी उत्तर महाराष्ट्र विद्यापीठात दिनांक 11 एप्रिल ते १४ एप्रिल यादरम्यान होणाऱ्या महात्मा फुले ते डॉ. बाबासाहेब आंबेडकर जयंती महोत्सवाचेे आज डॉक्टर बाबासाहेब आंबेडकरांचे पणतू मा.सुजात आंबेडकर, मुंबई यांच्या हस्ते दुपारी 2 वाजता उदघाटन होणार असून यावेळी डॉ.विजय घोरपडे आणि प्रा.अनिल डोंगरे लिखित ” स्त्री उद्धारक डॉ. बाबासाहेबआंबेडकर” या ग्रंथाचे प्रकाशन होणार आहे.
या कार्यक्रमाच्या अध्यक्षस्थानी कुलगुरू माननीय प्राध्यापक व्ही.एल. माहेश्वरी हे राहणार असून
प्राध्यापक डॉ. म सुसू पगारे प्राध्यापक डॉक्टर राकेश रामटेके, प्राध्यापक डॉक्टर पवित्रा पाटील मॅडम, प्राध्यापक डॉक्टर रमेश सरदार यांची प्रमुख उपस्थिती राहणार आहे.हा महोत्सव विद्यापीठाच्या अधीसभा सभागृहात दुपारी 2 वाजता होणार असून या कार्यक्रमास विद्यार्थी,अभ्यासकांनी मोठ्या संख्येने उपस्थित राहावे असे आवाहन प्रा. रमेश सरदार आणि डॉ.विजय घोरपडे यांनी केले आहे.
